فكرة تويت شارع

 بالصدفة يعنى عرفت ان صاحب الفكرة الرائعة تويت شارع هو حسن 

@Seksek

:  حقيقى هو شغال على الموضوع بكل جدية تابعوا اكونت تويت شارع على تويتر

@Tweet_Share3

 :وعلى الفيسبوك

 #TweetShare3 - الشعب والشعب ايد واحدة -

 (: لمعلومات اكتر وربنا يقدم ال فيه الخير 

and special thanks to Hassan for the idea =)

تويت شارع

  #TweetShare3 فى امسية من امسات تويتر الملهمة ظهر الهاشتاج تويت شارع 

:) واحب اشكر ال اخترع الفكرة دى حقيقى 

المهم .. كشباب وعى وبما ان احنا اصلا شغالين فى التوعية السياسية قبل الانتخابات .. فرأينا ان فى هذه الفترة العصيبة الواجب يحتم علينا اننا نستغل المجموعة فى حاجة تانية لا تقل اهمية عن توعية الانتخابات .. وبما ان اصلا الموضوع متوقف بسبب الاعتصام فده مش هيأثر على توعية الانتخابات 

هاشتاج تويت شارع عرض الافكار ال ممكن نستخدمها والردود المقنعة على الاجابات ال ممكن تتسألك وانت بتعرف الناس احنا ليه فى الميدان؟ بطريقة كويسة توضح فكرتك وعن طريقها هيتم الحشد للميدان وتصحيح الافكار الموجودة بسبب الاعلام التضليلى

ودى بعض الامئلة عن ال اتكتب فى الهاشتاج :

@mohamed_alam اللى يقولك عجلة الانتاج واقفة .. قوله يعنى ايه عجلة الانتاج .. واطلب منه شرح مفصل بان ازاى الاعتصامات هى اللى وقفتها #tweetshare3

@huzaifa_mohamed #Tweetshare3 ابتدي الكلام بكل بساطه بايه كانت مطالب الثوره واتحقق منها ايه

@OmniyArahman #tweetshare3 حسسوهم ازاى شكل حياتهم ممكن يتغير , ازاى ممكن يخدوا حقوقهم و يشتغلوا و يتعالجوا و يتعاملوا معاملة ادمية

@RoqayaA #TweetShare3 ابتسم و خليك متفائل في الكلام و شرح وجهه نظرك. التفائل معدي ولا يترك مجال لجدل غير بناء

@NadiaAbdelHamid كن واثق من نفسك بدون تعالي ..قرب من المواطن واديله مساحةاسمع منه ورد عليه ولو معندكش صبر بلاش المهمة,ممكن تحفزه بصورةغير مباشرة #tweetshare3

وغيرها كتير افكار كويسة 

فليه منستغلش الافكار دى ونتعامل معاها بجدية ونجتمع مع بعض فى الميدان يوم وننقاشها ونبتدى ننزل للناس بعدها؟ 

لو حابب الفكرة انشرها وانضم معانا عشان نحدد المعاد المناسب لينا كلنا 

شكرا =)

كورسات توعية سياسية

كنا اتكلمنا قبل كده على كورسات التوعية السياسية ال ناويين نعملها وهى ان شاء الله قريب اوى بس احنا ورانا اعتصام فى التحرير .لازم ننتبهله الاول وده رأى شباب المجموعة 

بس المهم دلوقتى اننا كنا متفقين انه هيبقى على كذا محاضرة .. لكن فى ناس قالتلى انه الاحسن يبقى على محاضرة واحدة بس نظرا لأن لو حد عنده ارتباطات تانية 

فإانتم اختاروا بقه تفضلوا ايه؟

 اولا لو كذا محاضرة هيبقى كل تيار او تيارين فيومين لوحدهم وده ممكن ياخد فترة زمنية طويلة يعنى يتقسم على 3 او 4 مرات 

ثانيا لو محاضرة واحدة هتبقى مدتها مش اقل من تسع ساعات لشرح جميع التفاصيل مع وجود ورشة عمل 

فياريت تختاروا وتبلغونى عشان دى ليها اتجاه ودى ليها اتجاه تانى خالص 

شكرا 

=)

شباب وعى (تحديث)

شباب وعى هم مجموعة من الشباب لا ينتموا لأى حزب سياسى او حركة او ائتلاف، قرروا عمل حملات  للتوعية السياسية فى الشوارع والمناطق المهمشة قبل الانتخابات، هدفنا هو ان نفهم ونعى ثم نوعى ونصل لجميع فئات الشعب بشكل حيادى يضمن حرية التعبير عن الرأى بشكل اكثر وعيًا لثقتنا بالناخب المصرى،  وذلك عن طريق مجموعات من الناشطين فى كل منطقة. ( اجتماعات دورية -  تجهيز مواد إعلانية – التواصل مع 

اطراف مختلفة بعمق المجتمع – التواصل مع شخصيات مؤثرة ) .

بدأت المجموعة نشاطها على الشبكات الإجتماعية مع إعلان نتيجة الأستفتاء الأخير على الدستور, وبعدها تم تنظيم لقاءات دورية جمعت مجموعة من الناشطين فى جميع 

المجالات.

يعمل الأن شباب وعى بالتعاون مع العديد مع الشركاء ووزارة الثقافة على حملة بعنوان

 ( علشان صوتك مهم ) للتوعية قبل الانتخابات - البرلمانية حاليا، والرئاسية لاحقا – وذلك عن طريق الوصول للناس فى الشارع وعقد الندوات والاجتماعات والنقاش فى الامور التى تساعد على اختيار المرشح وذلك نظرا لأننا نعلم ان الأقلية الفاسدة لها تاريخ عتيد فى التنظيم وشبكة مصالح ومصالح المنتفعين، ونفس الأمر ينطبق على جماعات متطرفة، فقد رأينا أن يكون هدفنا التوعية والتحرك كجماعة ضمير تقيم وتحاور كل الأطراف من مسافة واحدة ومتابعة المرشحين ونقل اخبارهم وتاريخهم وبرامجهم السياسية لمساعدة الناخب على الإختيار، وللوصول لهذا الهدف قسمنا العمل لمرحلتين فى الأولى نثقيف انفسنا ومحاورة كل الأطراف السياسية دون وسيط، والثانية هى مناقشة الناخبين فى الشارع وعمل سلسلة من المقالات والاستفتائات و الحوارات المباشرة البنائة  يتم كتابتها عن المجموعة وننقله للاحزاب ووسائل الإعلام  حتى يضعوا أيديهم على نقاط 

الضعف والقوة والمخاطر والفرص التى يقفون امامها .

عددنا صعب تحديده لكنه حاليا من 800 الى 1000، مقر التجمع مركز شباب المعادى ولكنه ليس مقر ثابت .

كمجموعة من الشباب لا نحتاج لأى شىء ولكن الحملات الى نطلقها دائما ما تكون بحاجة لمزيد من المتطوعين للعمل بها .

عملنا مركز اكثر فى الوعى السياسى وتكوين شبكات وبناء تحالفات وتشكيل اليات ضغط وتعبئة والتبصير بحقوق الناخبين وضرورة التصويت على اسس موضوعية لأنه سيأتى لنا بمجلس تشريعى يراقب ويضع القوانين فينصلح حال المجتمع على جميع الاوجه .

نرحب وندعو بالتعاون مع اى مجموعات اخرى لها نفس التوجهات الا انها من اهدافنا فى البداية وهى محاولة توسيع دائرة الشركاء والمتعاونين .

للتواصل : 
http://www.facebook.com/groups/ShababW3y
RaneemIH@Gmail.com 
mohamed@ph-agency.com

ShababW3y@groups.facebook.com

امسية ثقافية

تنظم القوافل الثقافية التابعة لوزارة الثقافة امسية ثقافية بمركز شباب االمعادى بالتعاون مع ائتلاف اهالى المعادى(يلا معادى) وبحضور وزير الثقافة د/ عماد ابو غازى يوم السبت الموافق 18\6

برنامج اليوم

ورشة فن تشكيلى + رسم جداريات (جرافيتى) فقرة الميكروفون المفتوح لمواهب المشاركين	4 الى 6 مساءا
عرض مسرحى (فرقة مصر القديمة)	6:30 الى 7:30 مساءا
ندوة سياسية عن الدستور والدولة المدنية	7:30 الى 9 مساءا
حفلة غنائية (فرقة حبايبنا –رامى عصام)	9:30 الى 11مساءا
معرض كتاب+معرض للصور الفوتوغرافية عن الثورة	على مدار اليوم

الندوة السياسية  تهدف لشرح معنى الدستور و اهميته فى حياة الفرد و ماذا تعنى الدولة المدنية و الفرق بينها و بين انواع الحكم الاخرى .

أسماء المحاضرين:

                      الاعلامية \ سكينة فؤاد

              استاذ القانون د\ حسام عيسى
                د/ عمار على حسن

و فى اسماء لمحاضرين اخرين سيتم الاعلان عنهم حين التأكد 

جديد الحملة 2

كان عندنا معاد مع وزير الثقافة دكتور عماد ابوغازى عشان يشوف الافكار والمشاريع اللى كانت معانا والحمدلله الراجل تقريبا وافق على معظم الطلبات وخدنا التصاريح اللى كانت فضلالنا عشان نبتدى شغل بقه وللامانة شخصية محترمة جدا وشبة معترضش على اى طلبات لينا.

لازلت مش عارفة العدد بالظبط قد ايه لأنه فعلا زاد اوى ففكرة ان العدد يتحدد دى تبقى ان شاء الله فى اخر اجتماع قبل مننزل لأن كده لازم هنقسم نفسنا مجموعات ! 


فى كورس توعية سياسية للشباب اللى عايزة تشارك معانا بس ناقصها شوية حاجات هيتشرح فى من اول يعنى ايه انتخابات لحد التيارات كلها من اليمين لليسار على 6 محاضرات وبندرس نقللها كمان، واللى هيدى المحاضرات دى ناس موثوق فيها ومعروفين على الساحة السياسة بس مش هقولكم عليهم الا لما نحدد المواعيد ..


اى استفسار بخصوص الموضوع ابعتولى على الأيميل 


شكرا :)

جديد الحملة

الحمدلله الموضوع ماشى كويس جدا وتم التنسيق مع تقريبا كل المجموعات اللى فى المعادى من اللى انا فاكراهم يعنى : 

1-maadians

2_(اللجان الشعبية للدفاع عن الثورة (المعادى -البساتين - العرب - زهراء المعادى 

3_حركة كفاح

4-رابطة شباب الثورة التقدمى 

5-ائتلاف شباب المعادى

6- شباب جمعية رسالة 

7-حركة رؤية

8-(اعضاء الاحزاب من سكان المعادى(حزب الجبهة-المصرى الديموقراطى) 

9-حملة دعم البرادعى

وغير الافراد اللى لسه منضموش لمجموعات, مقدرش ادى عدد تقريبى بس هو عدا كل توقعاتى الحقيقة يعنى نقدر نقول عدا الالف بشويتين.

التفاصيل بالظبط و العدد واقرب اجتماع ان شاء الله هقولكوا عليه فى اقرب وقت.

خدنا تصريح بالاجتماع فى الاماكن اللى كنا عايزنها فى المعادى وعندنا معاد مع وزير الثقافة هيحضروا انا وكام حد اعرفه كمان الاسبوع ده ..

وحقيقى الفضل فى الموضوع ده كله من اول تجميع المجموعات دى يرجع لمحمود جمعه هو اللى كلمنى وقللى انه جمع الناس دى كلها.

اللى عايز يستفسر عن اى حاجة بقه انتوا عارفين الطريق 

والى لقاء قريب اوى ان شاء الله